Tá fear sna daichidí fós á cheistiú ag na Gardaí faoi dhúnmharú mná 31 bliain d'aois i gCo Chorcaí an tseachtain seo caite.
Fuarthas corp Paula Canty in áras cónaithe ar Lána na Smachtlainne i Mala i dtuaisceart Chorcaí Dé hAoine seo caite.
Chuir na Gardaí fiosrúchán dúnmharaithe ar bun nuair a fuair siad na torthaí ón scrúdú iarbháis.
Cé nár nocht na Gardaí na torthaí tuigtear gur sádh sa chliabhrach Paula Canty.
Ba as Cionn tSáile ó dhúchas Paula Canty agus bhí beirt chlainne uirthi.
Ní raibh sí ina cónaí i Mala ach le cúpla mí.
Nuacht agus Cúrsaí Reatha RTÉ
