D'fhéadfadh sé go mbeadh cosaint dlí amach anseo i Sasana agus sa Bhreatain Bheag ag an mbás cuidithe.
Sin a bhuíochas do móramh na bhfeisirí i bParlaimint na Breataine ag tabhairt a mbeannacht tráthnóna don reachtaíocht atá á beartú i dtaca leis seo.
Faoin mbille, ar caitheadh an vóta air inniu cheadófaí do dhuine deireadh a chur leis féin sa gcás is gurbh í tuairim dhochtúirí agus lucht leighis faoi nach sáródh sé fad saoil 6 mhí.
Chaithfeadh an té a bheadh i gceist a bheith os cionn 18 bliain d'aois.
Ceadaíodh do na feisirí uilig vótáil i dTeach na dTeachtaí i Westminster de réir a gcoinsiasa.
Vótáil 330 feisire ar a shon agus 275 ina choinne i ndiaidh na díospóireachta a bhí sách teasaí ar uairimh agus a mhair beagnach 5 uair a chloig.
Ba í an feisire ón Lucht Oibre,Kim Leadbeater a thug an bille os comhair na parlaiminte.
Faoi láthair tá bás cuidithe in aghaidh an dlí i Sasana agus sa Bhreatain Bheag agus d'fhéadfaí suas le 14 bliain de théarma príosúin a ghearradh ar aon duine a chiontaítear i gcuidiú le duine a shaol a ghiorrú.
