Tá airtléire scaoilte ag fórsaí míleata Iosrael le hionaid i ndeisceart na Liobáine siúd is go bhfuil sos comhraic in ainm a bheith curtha i bhfeidhm sa réigiún sin ó inné.
Tuairiscítear gur scaoil na hIosraelaigh sliogáin ó thancanna le sé cheantar gar don teorainn le hIosrael ar maidin inniu agus deir na húdaráis sa Liobáin gur leonadh beirt ar a laghad mar gheall ar an ionsaí.
Tá sé á mhaíomh ag na hIosraelaigh, ámh, gur Hezbollah – seachas iad féin – a sháraigh an sos comhraic.
Deir na hIosraelaigh go bhfuil comhaltaí de Hezbollah tar éis filleadh ar dheisceart na Liobáine, ar sárú é sin, dar leo, ar an socrú a rinneadh.
Tá sé mar aidhm ag na hIosraelaigh deisceart na Liobáine a chur faoi smacht Arm na Liobáine in áit Hezbollah.
I bhfianaise fhorlann ginearálta na nIosraelach, áfach, is faoina bhforsmacht féin atá an réigiún i ndáiríre.
Nuacht agus Cúrsaí Reatha RTÉ
