Vótáil móramh de na feisirí i bParlaimint na hEorpa ar son an dara téarma mar Uachtarán ar an gCoimisiún a thabhairt do Ursula von der Leyen.
Glacadh freisin lena cuid coimisinéirí uilig, Michael McGrath ón tír seo san áireamh.
26 coimisinéir ar fad atá ceaptha agus is é cúram an Daonlathais, Dlí agus Cirt atá tugtha don iar-Aire Airgeadais, Michael McGrath.
I ndiaidh na díospóireachta a mhair 3 uair a chloig bhí móramh de 88 feisire i bhfábhar an Choimisiúin nua.
Vótáil feisirí Fhine Gael agus Fhianna Fáil sa pharlaimint ar son an choimisiúin ach ní bhfuair sé beannacht ó fheisirí Shinn Féin, ón bhfeisire neamhspleách, Luke Ming Flanagan ná ón bhfeisire ón Lucht Oibre,Aodhán Ó Ríordáin.
Staon na feisirí Éireannacha eile, Ciaran Mullooly agus Michael McNamara sa vóta.
Dúirt an Coimisinéir McGrath gur mór an onóir dó a bheith ceaptha mar choimisinéir.
Is é an 12ú duine ón tír seo é le bheith ina choimisinéir Eorpach.
