Tá an t-iar-Aire Rialtais Gemma Hussey tar éis bháis in aois a 86 bliain.
Bhain sí suíochán Dála amach le Fine Gael i gCIll Mhantáin in olltoghchán mhí Feabhra 1982.
Bhí sí ina hAire Oideachais idir 1982 agus 1986 - an chéad Aire Oideachais mná í ag an pháirtí sa chomhrialtas le Páirtí an Lucht Oibre.
Chaith sí sealanna gairide ina dhiaidh sin ina hAire Leasa Shóisialaí agus ina hAire Saothair.
Ba í an chéad urlabhraí Gnóthaí Ban í ag páirtí Fhine Gael.
Ba le linn a réime mar Aire Oideachais a tugadh scrúduithe closéisteachta agus cainte isteach mar chuid de scrúduithe Stáit.
Thacaigh sí go láidir leis an reachtaíocht ar an cholscaradh agus throid sí san fheachtas reifrinn ar an ábhar i 1986, reifreann a chaill an rialtas.
