'Sár-Oidhreacht' é obair an iar-aire Mary O'Rourke do lár na tíre agus don tír trí chéile, a deir an Tánaiste Micheá Martin.
Bhí sé ag labhairt inniu ag aifreann sochraide an iar-aire de chuid Fhianna Fáil a bhásaigh Déardaoin agus í 87 mbliana d'aois.
Thosaigh an t-aifreann sa Chuasán ina bhaile dúchais Baile Átha Luain ag meánlae inniu.
Bhí an tUachtarán Michael D. ó hUiginn agus an Tánaiste i measc phobal an aifrinn, chomh maith le hiar-chomhghleacaithe rialtais Mary Coughlan agus Dermot Ahern
Bhí baill agus iarbhaill de chuid Chomhaire Contae na hIar-Mhí i láthair freisin.
Maireann beirt mhac leí, Feargal agus Aengus agus a gclanna siúd.
Ag tús an aifrinn tughadh bronntanais chuig an altóir a léirigh gnéithe dá saol, pictiúr dá fear chéile Enda, bratach Fhianna Fáil, nuachtán, agus a fón póca ina measc.
Bean iontach, duine taitneamhach a d'fhág sároidhreacht don cheantar, don réigiún agus don náísiún, é breith an Tánaiste ar a iar-chomhgheacaí agus é ar bhealach isteach chun an aifrinn.
I rith a óráide, dúirt sé gur duine í a raibh mianach téagartha inti, gur ceannaire polaitiúil í a chuir i gcrích ina seal in oifig, dul chun cinn buan dá pobal agus dá tír.
Mí na Samhna 1982 a toghadh Mary O'Rourke don Dáil den chéad uair, agus bhí sí ina haire agus ina haire stáit i rialtais éagsúla faoi Charles Haughey, Albert Reynolds agus Bertie Ahern.
Bhí sí ina seanadóir faoi dhó, i 1981 agus arís nuair a chaill sí a suíochán Dála ó 2002 go 2007.
Chomh maith le bheith in haire oideachais, sláinte agus fiontar poiblí, bhí sí ina leascheannaire ar Fhianna Fáil idir 1994 agus 2002.
Chaill sí a suíochán Dála san olltoghchán i 2011.
