Tugadh ordú d'ionad cúram leanaí i mBaile Átha Cliath 4 a ndoirse a dhúnadh an mhí seo caite de bharr "bagairt mhór" a bheith ann do shabháilteacht bhia i bhfianaise fhíniú francach sa bhfoirgneamh.
Fuarthas póiríní franach i seomra bia na leanaí in ionad cúram leanaí Giraffe ar Bhóthar Mhuirfean. Bhí na leanaí ag ithe bia nuair a fuarthas iad.
Léiríonn an tuarascáil a scríobh cigire sláinte timpeallachta ó Údarás Sabháilteachta Bia na hÉireann go bhfuarthas luchóg marbh faoi dhoirteal agus ceann eile i leithreas na leanaí.
I ráiteas a d’eisigh Giraffe, dúirt an bhainistíocht gurbh iadsan a chuir na húdaráis sláinte timpeallachta ar an eolas i dtús ama iad féin faoi fhadhb luchóg san ionad. Deir siad gur bhain an fhadhb le hobair tógála a bhí ar siúl in aice láimhe.
Dhún siad an t-ionad ar feadh cúig lá le fad is a bhí dream istigh ann chun cosc a chur ar na lotnaidí.
Cuireadh cúram leanaí eile ar fáil do na teaghlaigh a raibh sé de dhíth orthu in ionaid Griraffe eile agus osclaíodh an t-ionad ar Bhóthar Mhuirfean arís ar 17 Meitheamh.
Deir Údarás Sabháilteachta Bia na hÉireann gur tugadh seacht bhfógra forfheidhmiúcháin do ghnónna i rith mhí an Mheithimh maidir le sárú a bheith déanta acu ar an reachtaíocht a bhaineann le shabháilteacht bhia.
Cuileoga ar shicín agus pacáistiú míchuí ar bhia a ba chúis le cuid de na gearáin eile.
