Tá an Taoiseach, Simon Harris i measc na ndaoine atá tar éis a ómós a léiriú don iar-fheisire Eorpach,Mary Banotti atá tar éis bháis.
Bhí sí 84.
Ba i gCluain Tairbh i gceantar thuaisceart chathair Bhaile Átha Cliath a rugadh Mary Banotti.
Altra a bhí inti sula ndeachaigh sí go Parlaimint na hEorpa i 1984 mar fheisire do Fhine Gael ó thoghlach Bhaile Átha Cliath.
Chaith sí 20 bliain mar fheisire.
Rith sí i dtoghchán na hUachtaránachta i 1997, ní raibh chun tosaigh uirthi ag deireadh an ráis ach an té a toghadh,Máire Mhic Ghiolla Íosa.
Bhí aithne mhaith ar Mary Banotti le beagnach 50 bliain mar gur mhinic í le cloisteáil ar an raidió agus teilifís ag caint ar cheisteanna sóisialta.
Seanuncail dá cuid ab ea an réabhlóidí clúiteach,Michael Collins a maraíodh le linn Chogadh na gCarad.
Deirféar léi is ea an t-iar Aire Dlí is Cirt,Nora Owen.
Taoiseach Simon Harris has paid tribute to former MEP Mary Banotti, who has died at the age of 84.
