Tá fear 42 bliain d'aois cúisithe le dúnmharú Thomas Dooley i Reilig na Rátha i dTrá Lí i gCiarraí mí Dheireadh Fómhair 2022.
Cúisíodh Daniel Dooley, as Páirc Uí Chonghaile i dTrá Lí, le dúnmharú an fhir a raibh seachtar clainne air.
Tugadh Daniel Dooley os comhair Chúirt Dúiche Lios Tuathail ar maidin agus cuireadh siar faoi choinneáil é.
Is é an 6ú duine atá cúisithe le dúmharú sa gcás.
hIonsaíodh Thomas Dooley agus a bhean chéile Siobhán agus iad ar shochraid chara leo sa reilig an 5ú Deireadh Fómhair arú anuraidh.
Gortaíodh Siobhán Dooley go dona. Bhásaigh a fear ar an láthair.
43 bliain d’aois a bhí sé. Bhí cónaí air ar Chéide na Collchoille i gCill Airne.
Thug an Bleachtaire John Gilmartin le fios sa gcúirt gur ghabh sé Daniel Dooley ag a 7 a chlog ar maidin i gCathair Chorcaí.
Nuair a cúisíodh é dúirt an Garda Gilmartin go dhúirt Daniel Dooley "Níor chóir dhom a bheith anseo. Fear neamhchiontach mé."
D’inis a dhlíodóir Patrick Mann don chúirt gur baintreach é Daniel Dooley agus go bhfuil sé ar liúntas míchumais.
Bronnadh cúnamh dlí in aisce air agus cuireadh siar faoi choinneáil é agus é le tabhairt os comhair cúirte arís Dé Céadaoin.
