Tá dalta scoile 12 bliain d'aois gafa ag na póilíní i bpríomhchathair na Fionlainne,Helsinki i dtaca leis an ionsaí lámhaigh a rinneadh i scoil ansin ar maidin.
Lámhachadh triúr daltaí ón scoil, iad ar fad 12 bliain d'aois agus bhásaigh duine díobh ina dhiaidh sin.
Tá cóir leighis á cur ar an mbeirt eile san ospidéal.
Tharla an eachtra i Vantaa, bruachbhaile de chuid na príomhchathrach.
Áirítear go bhfuil suas le 800 dalta atá idir 7-16 bliain d'aois ag freastal ar an scoil.
Tá a alltacht faoin ionsaí léirithe ag Príomh-Aire na Fionlainne,Petteri Orpo.
Deir na póilíní nach bhfuil siad sa tóir ar aon duine eile maidir lenar tharla.
