Tá beirt fhear fós á gceistiú ag na Gardaí maidir le dóiteán a bhí in óstán i gCo na Gaillimhe seachtain roimh an Nollaig anuraidh.
Bhí 70 iarrthóir tearmainn le cur a chónaí in Óstán Theach Loch an Rois i Ros Cathail in oirthuaisceart Chonamara agus creideann na Gardaí gur lasadh an áit in aon turas.
Gabhadh an bheirt fhear ar maidin inné agus tá siad á gceistiú faoi dhamáiste coiriúil a dhéanamh don óstán.
Tá duine de na fir sna daichidí agus tá an duine eile sna caogaidí.
Is féidir iad a choinneáil ar feadh ceithre huaire fichead san iomlán, gan sosanna a chur san áireamh.
Ghabh na Gardaí beirt bhan inné freisin ach tá siadsan scaoilte saor acu ó shin.
Tá comhaid maidir le cás na mban le cur chuig an Stiúrthóir Ionchúiseamh Poiblí ag na Gardaí.
Nuacht agus Cursaí Reatha RTÉ
