Maraíodh bean agus beirt chailíní óga i dtimpiste bóthair a bhí in aice le Clár Chlainne Mhuiris i gCo Mhaigh Eo inniu.
Maraíodh an triúr nuair a bhuail an gluaisteán ina raibh siad agus leoraí faoina chéile ar bhóthar an N17 sa Chaisleán Gearr ó thuaidh de Chlár Chlainne Mhuiris go gairid tar éis am lóin.
Tá coirp na marbh le tabhairt chuig Ospidéal Ollscoile Mhaigh Eo i gCaisleán an Bharraigh, áit a ndéanfar scrúduithe iarbháis orthu.
Tá an bóthar dúnta agus tá scrúduithe teicniúla le déanamh ar láthair na timpiste ag na Gardaí.
Nuacht agus Cúrsaí Reatha RTÉ
