Tá fear 25 bliain d'aois gafa agus á cheistiú ag Seirbhís Póilíneachta Thuaisceart Éireann (PSNI) mar chuid den fhiosrúchán dúnmharaithe atá ar bun aige faoi bhás fir i gCo.An Dúin.
Fuarthas Bobby McKee,fear sna seascaidí, marbh i dteach taobh amuigh de Chill Chaoil tráthnóna inné.
Thángthas ar a bhean chéile Yvonne ar an láthair freisin agus í gortaithe go dona sa cheann.
Tá cóir leighis á cur uirthise san ospidéal ach deirtear go bhfuil bail sheasmhach uirthi.
Bhí aithne mhór ar Bobby Mckee sa phobal ansin mar go raibh sé sáite i gcúrsaí polaitíochta agus sheas sé do pháirtí an TUV sna toghcháin áitiúla.
