Ba chóir don tír seo smachtbhannaí a chur ar Iosrael, a dúirt léirseoirí ag an agóid is déanaí in aghaidh ionsaithe Iosrael ar an Phalaistín a bhí ar siúl i mBaile Átha Cliath inniu.
Is iad Grúpa Dlúthpháirtíochta na hÉireann leis an bPalaistín a d'eagraigh an mórshiúl a chuaigh ó lár na cathrach chomh fada le hAmbasáid Mheiriceá i nDroichead na Dothra.
Ba cheart do thíortha na hEorpa smachtbhannaí a chur ar Iosrael, a dúirt an Teachta Dála le Pobal roimh Bhrabús Richard Boyd Barrett.
Dúirt seisean gur mian le lucht eagraithe na hagóide an oiread brú agus is féidir a chur "ar ár rialtas féin anseo sa bhaile, ar rialtais na hEorpa agus an rialtais an Domhain Thiar go ginearálta, le go gcuirfidh siad smachtbhannaí i bhfeidhm ar Iosrael leis an chinedhíothú seo a stopadh."
Dúirt Eoin Mac Giolla Bhríde, a bhí i láthair go bhfuil an grúpa ag éileamh ar rialtas na hÉireann tuilleadh a dhéanamh chun brú a chur ar Iosrael sos cogaidh a fhógairt láithreach. "Ba chóir don tír seo smachtbhannaí a chur ar Iosrael," a dúirt sé.
Dúirt Ruadhán Ó Feinneadha go gcaithfear a chur in iúl do na Stáit Aontaithe "go bhfuil dualgas orthu brú a chur ar rialtas Iosrael sos cogaidh a fhógairt; agus gur chóir do na Stáit Aontaithe gan a veto a úsáid mar bhall buan ar Chomhairle Slándála na Náisiún Aontaithe."
19,000 Pailistíneach atá maraithe ó thús an chogaidh. Agus 50,000 atá gortaithe. 1200 a maraíodh in Iosrael ar 7 Deireadh Fómhair.
