Tá sé ráite ag an Taoiseach, Leo Varadkar, ag comhdháil go bhfuil athrú aeráide ar an mbagairt is mó roimh fheirmeoirí. Ní léir, a dúirt sé, cén bhail a bheas ar an earnáil i gceann fiche bliain, tríocha bliain nó dhá scór bliain mar go bhfuil an aimsir ag éirí níos teo agus níos tirime. Chaithfeadh feirmeoirí a bheith sásta glacadh le hathruithe, a dúirt sé, agus ní iarrfar orthu ach a sciar féin den ualach a iompar.
D'admhaigh an Taoiseach go mbíonn an pobal i gcoitinne an-cháinteach i dtaobh feirmeoirí agus iad ag caint ar athrú aeráide; go dtéann siad thar fóir ag cur lochta ar an earnáil áirithe sin. Caithfear stop a chur leis an náiriú, a dúirt e.
feirmeoireachta i gceann dhá scór bliain dá bharr" - Taoiseach
Thug sé le fios go ndíreoidh an pobal a n-aird ar earnálacha eile, mar iompar, má éiríonn le feirmeoirí a gcuid spriocanna aeráide a bhaint amach go ceann roinnt mhaith blianta as a chéile.
Ag labhairt a bhí an Taoiseach ag cruinniú cinn bhliana Chumann Soláthróirí Bainne Uachtarlainne na hÉireann.
