Sa Ríocht Aontaithe, tá an fuirseoir agus an fear grinn Russell Brand cúisithe in éigniú, ionsaí gnéis agus mí-úsáid mhothúnach.
Baineann na cúiseanna le heachtraí a tharla más fíor thar roinnt mhaith blianta nuair a bhí Brand i mbarr a réime.
Ceathrar ban atá ag maíomh go ndearna sé ionsaithe orthu ag amanna éagsúla idir 2006-13.
Ní raibh duine de na mná ach 16 nuair a hionsaíodh ise de réir na gcúiseanna atá tugtha ina aghaidh Brand.
Ba sa tréimhse sin a bhíodh Brand le cloisteáil go minic ar raidió, le feiceáil ar an teilifís agus ag aisteoireacht i scannáin.
Séanann Brand , atá 48 bliain d'aois, na líomhaintí ar fad atá ina choinne.
