Tá triúr fear gafa anois ag an PSNI faoin ionsaí lámhaigh a rinneadh ar phóilín sinsearach san Ómaí i gCo.Thír Eoghain aréir.
Lámhachadh an Príomh-Chigire John Caldwell roinnt mhaith babhtaí agus tá bail chriticiúil air san ospidéal.
Ní raibh John Caldwell ar dualgas ag an am.
Bhí roinnt ógánach faoina chúram ag ionad spóirt , a mhac fhéin san áireamh, nuair a tharla an t-ionsaí air.
Deir póilíní an PSNI go bhfuil amhras orthu gur easaontóirí Poblachtacha a bhí freagrach as an ionsaí.
Bhí púicíní á gcaitheamh ag na fir a rinne an t-ionsaí agus d'éalaigh siad leo i ngluaisteán dubh.
Fuarthas an gluaisteán dóite amach ina dhiaidh sin.
38 bliain, 45 bliain agus 47 bliain d'aois atá na fir atá gafa.
Tá siad á gceistiú ag stáisiúin póilíní san Ómaí agus in Oileán an Ghuail.
