Rialaigh an Ard-Chúirt gur le húinéir Bewley's ceithre cinn de na sé fhuinneog dhaite a rinne an t-ealaíontóir Harry Clarke atá ar taispeáint sa chaife cáiliúil ar Shráid Grafton i mBaile Átha Cliath, agus gur leis an tionónta an péire eile.
Meastar luach €1 milliún ar a laghad a bheith sna saothair gloine daite.
Is le comhlacht de chuid an fhir ghnó Johnny Ronan an caife.
Bhí sé á mhaíomh ag an gcomhlacht - RGRE Grafton Teo - gur de dhlúth agus d'inneach an áitribh na fuinneoga.
Mhaígh Bewleys, áfach, nach cuid de struchtúr an fhoirgnimh na fuinneoga agus nach fuinneoga iad i ndáiríre.
Déanta na fírinne, dar leo, is saothair ealaíne inaistrithe iad.
Nuacht agus Cúrsaí Reatha RTÉ
