Lámhachadh Iar-Phríomhaire na Pacastáine, Imran Khan sa chos i gcathair Wazirabad in oirthear na tíre ar maidin.
Bhí sé ag tabhairt óráide ag slógadh polaitíochta ag an am, nuair a scaoil gunnadóir urchar leis.
Creidtear gur iarracht feallmharaithe a bhí ann.
Bhí Imran Khan, iar-chaptaen cruicéid atá 70 bliain d'aois chun tosaigh ag an slógadh polaitíochta a bhí ag éileamh go reachtáilfí toghchán tobann.
Tuairiscítear gur gortaíodh ceathrar eile ach níor maraíodh éinne.
