Tá teachtaireachtaí ómóis léirithe ag ceannairí polaitíochta ar fud an domhain mhóir do iarcheannaire an Aontais Shóivéadaigh, Mikhail Gorbachov a bhásaigh inné. Bhí sé 91 bliain d'aois.
Bhí Mikhail Gorbachev i gceannas sa Rúis idir 1985 agus 1991. Chabhraigh a chuid polasaithe le deireadh a chur leis an gCogadh Fuar.
Dúirt an Taoiseach Micheál Martin go raibh Mikhail Gorbachev ar dhuine do na daoine is suntasaí ó thaobh na polaitíochta a bhí ann, déanach sa 20ú haois.
Dúirt Uachtarán na Comhairle Eorpaigh, Ursula von der Leyen gur chabhraigh polasaithe Gorbachev chun ''Eoraip saor'' a chruthú.
Dúirt Uachtarán na Stát Aontaithe, Joe Biden gur fear a raibh fís den scoth aige a bhí i Gorbachev, duine a raibh muinín aige chun a ghairm bheatha féin a chur i mbaol ar mhaithe le todhchaí níos fearr a bhaint amach. Dúirt sé gur ceannaire neamhchoitianta a bhí ann agus go raibh an domhan níos sábháilte dá bharr.
Dúirt Ard-Runaí na Náisiún Aontaithe António Guterres gur d'athraigh Gorbachev cúrsaí staire.
Ceannaire cumhachtach a bhí ann agus bhí an-tionchar aige ar chúrsaí. D'athraigh na leasuithe a rinne sé an Rúis ó bhonn.
Bhásaigh Mikhail Gorbachev san ospidéal i Moscó i ndiaidh do a bheith breoite le tamall fada.
