Tá ómós á léiriú d'iar-cheannaire Pháirtí Aontachtach Uladh (UUP) David Trimble, atá tar éis bháis.
77 bliain d'aois a bhí an fear seo a toghadh ina Chéad Aire ar Chomhthionól Stormont i ndiaidh shíniú Chomhaontú Aoine an Chéasta i 1998.
Ba é an chéad pholaiteoir sa ról sin, é féin agus Seamus Mallon ón SDLP ag obair as lámha a chéile faoin chóras d'Hondt agus é mar aidhm acu 30 bliain d'ár agus foréigean i dTuaisceart Éireann a fhágáil taobh thiar díobh.
Bronnadh Duais Nobel na Síochána air i 1998 mar aitheantas ar an obair a rinne sé ar mhaithe le Comhaontú Aoine an Chéasta thabhairt ar an saol.
Dúirt an t-iar Thaoiseach Bertie Ahern gur mór an seans nach mbeadh aon Chomhaontú Aoine an Chéasta ann murach an obair a rinne David Trimble.
D'aontaigh iar-Phríomh Aire na Breataine,Tony Blair agus iar-Cheanaire Shinn Féin,Gerry Adams leis an ráiteas sin.
Ba é Bertie Ahern Taoiseach na linne i 1998.
'Cuimhneofar ar David Trimble mar dhuine a chaith a shaol ag obair gan staonadh don phobal agus ar son na síochána' a dúirt an tUachtarán Michael D Higgins.
Dúirt an Taoiseach Micheál Martin go raibh David Trimble cróga agus cinniunach maidir leis an mbealach a dtug sé síochán do Thuaisceart Éireann.
Maireann bean chéile David Trimble agus a gceathrar clainne.
