Tá omós léirithe don iar-Theachta Dála de chuid Fhine Gael,Kieran Crotty a bhásaigh inné.
Bhí sé 91 bliain d'aois.
Chaith sé 30 bliain mar theachta do Cheatharlach-Cill Chainnigh ó toghadh ansin é chun na Dála den chéad uair i 1969.
Fear mór gnó a bhí ann freisin agus é an-sáite i gcúrsaí Chumann Lúthchleas Gael i gCill Chainnigh.
Bronnadh saoirse na cathrach sin air i 2015.
I measc na ndaoine a mhol obair an Uasail Crotty i gcaitheamh na mblianta bhí an Tánaiste Leo Varadkar agus an t-iar Thaoiseach John Bruton, beirt a dúirt gur ghníomhaigh sé gan staonadh ag obair ar son an phobail.
Maireann bean Kieran Crotty chomh maith le seisear clainne.
