Tá foláireamh eisithe ag Oifig na hAimsire maidir le "teochtaí thar an gcoitiantacht", a bheith in Éirinn ón deireadh seachtaine seo. Leanfaidh an tonn teasa go dtí lár na seachtaine seo chugainn.
Dé Domhnaigh, Luain agus Máirt, beidh an teocht idir 25C agus 32C i rith an lae. Deir siad leis go mbeidh sé thar a bheith té thar oíche.
D'eisigh siad rabhadh buí maidir le gach áit sa tír. Thug siad le fios go bhféadfadh daoine leochailleacha a bheith i mbaol.
Beidh an foláireamh i bhfeidhm ó 6am maidin Dé Domhnaigh go dtí 9pm Dé Máirt.
Táthar ag moladh do dhaoine a bheith an-chúramach faoin theas na gréine agus san uisce le linn an bhrothaill.
Tá sé tuartha go bhfillfidh ceathanna báistí ón gCéadaoin.
