Tá deireadh curtha ag Cúirt Uachtarach na Stát Aontaithe leis an gceart ar ghinmhilleadh a fháil sa tír.
Chuir an chúirt rialú an cháis idir Roe agus Wade i 1973 ar neamhní. Ba é an rialú sin a thug cearta bunreachtúla agus dlíthiúla do mhná sna Stáit Aontaithe ar ghinmhilleadh.
Ceaptar go gcuirfidh 26 stát ar a laghad cosc ar ghinmhilleadh anois ach seasfaidh roinnt eile le rialú Roe agus Wade.
Tugann rialú na Cúirte Uachtaraí inniu bua mór do Phoblachtaigh agus do chaomhaigh eile i Meiriceá a bhfuil cosc ar ghinmhilleadh á éileamh acu le fada.
