Tá leathbealaigh ina turas trasatlantach bainteach amach ag bean Éireannach ina h-iarracht rámhaíochta agus í ag saothrú léi ina h-aonar.
Ar an 7ú Nollag 2021 a d'fhág Karen Weekes na hOileáin Chanáracha ag cur tús lena h-aistir d'os cionn 2,500 muirmhíle farraige.
Tá sé mar sprioc aici a bheith ar an gcéad bhean Éireannach riamh a thrasnódh an tAigéan Atlantach ag ramhaíocht gan cúnamh agus go haonarach.
Is leachtóir in Ollscoil Teicneolaíochta na Mumhan Karen Weekes agus taithí na mblianta aice ar dhúshláin spóirt.
Ach is í seo an chéad uair aici tabhairt faoina leithéid do mhór-dhúshlán rámhaíochta.
Dúirt sí gur theastaigh uaithi an dúshlán a dhéanamh chun breis cailíní agus mná a mhealladh chun tabhairt faoi imeachtaí spóirt dúshlánacha.
Chomh maith leis sin tá sí ag bailiú airgid don RNLI agus do fhundúracht Laura Lynn.
Tá súil ag Karen ceann scríbe a bhaint amach roimh dheireadh na míosa seo chugainn.
