Tá na húdaráis i stát Florida i Meiriceá tar éis a ordú go ndéanfaí scrúdú iomlán sábháilteachta ar gach aon fhoirgneamh ansin atá ar chomhaois leis an gceann a thit as a chéile i Miami Déardaoin seo caite.
Tá 9 gcorp faighte ansin anois.
Tá breis is 150 duine fós ar iarraidh cé go nglactar leis ag an tráth seo gur marbh atá a bhformhór.
Chuir tinte sa smionagar as go mór d'obair na seirbhísí tarrthála le roinnt laethanta anuas.
Tá fiosruithe ar bun fós faoi chúis na timpiste.
Léirítear i dtuarascáil innealtóra ó 2018 go raibh locht ollmhór ar dhearadh an fhoirgnimh.
