Tuairiscítear suas le 180 duine a bheith gortaithe i gcathair Iarúisailéim in Iosrael de bharr na gcaismirtí idir lucht agóide agus póilíní ansin.
Tuigtear gur Pailistínigh ar fad atá i gceist.
Tharla na caismirtí lasmuigh de mhosc an al-Aqsa.
Tá teannas sa chathair faoi láthair toisc go bhfuil sé beartaithe teaghlaigh Phailistíneacha a aslonnú as a dtithe cónaithe, ionas gur féidir lonnaíocht a chruthú do áitritheoiri Ghiúdacha.
Ina theannta sin, tá comóradh á dhéanamh ag Iosrael ar an seilbh a ghlac sé cothrom an ama seo i 1967 ar chuid d'Iarúisailéim, le linn an chogaidh Iosrael-Arabach.
