Thug na Daonlathaithe Sóisialta le fios inniu go bhfuil sé ag lorg tuilleadh eolais maidir leis an gcreatcháipéis a chuir Fianna Fáil/Fine Gael (FF/FG) faoina mbráid le súil iad a mhealladh isteach i gcomhrialtas.
Tá cúrsaí airgeadais ag déanamh imní dó.
Iarrann na seisear teachtaí ón bpáirtí ar FF/FG soiléirithe a thabhairt maidir leis an mbealach a n-íocfar as na pleananna eacnamaíochta agus eile sa cháipéis, agus cén leibhéal iasachtaí a bheas i gceist.
Ábhar imní don pháirtí a deir sé an bhail a fhágfaidh Covid-19 ar eacnamíocht an domhain, agus cén stráitéis atá ag an Rialtas ina theannta seo.
Phléigh teachtaí an pháirtí an cháipéis ag cruinniú ar maidin.
Tá an chreatcháipéis á plé freisin inniu ag páirtithe an Lucht Oibre agus Comhaontas Glas.
