Tá Aire Stáit na Gaeltachta Seán Kyne ceaptha ag an Taoiseach Leo Varadkar do Sheanad Éireann.
Ceapadh Seán Kyne in áit Frank Feighan a bhain suíochán Dála amach i Sligeach-Liatroim san olltoghchán.
Chaill Seán Kyne a shuíochán Dála i nGaillimh Thiar, suíochán a bhí aige ón mbliain 2011.
Ionadaí áitiúil den chéad scoth é Seán Kyne, a dúirt an Taoiseach, a rinne a dhícheall i gcónaí dá dháilcheantar.
