Sagart áitúil an fear a maraíodh nuair a chuaigh a charr i bhfarraige ag Cé Chinn Mhara i gCo na Gaillimhe aréir.
B'in é an tAthair Anthony Minniter a bhí ina shagart paróiste i gCinn Mhara agus i mBaile an Doirín nó gur éirigh sé as ceithre bliana ó shin. Tuigtear gur amach sna seachtóidí a bhí sé.
Tharla an eachtra uair éigin idir 7.45 agus 8.15 aréir. D'éirigh leis na seirbhísí éigeandála an tAthair Minniter a thabhairt as an gcarr agus é a thabhairt chuig an ospidéal i nGaillimh, áit ar éag sé ar maidin.
Ní raibh aon duine eile sa charr..
