Tugadh amach os cionn 822,000 pas Éireannach le bliain. Sin 43,000 níos mó pas ná a tugadh amach anuraidh, de réir figiúirí nua ón Roinn Gnóthaí Eachtracha.
99 bliain a bhí an t-iarratasóir ba shine agus dhá sheachtain d'aois a bhí an té ab óige.
Deir an tAire Gnóthaí Eachtracha Simon Coveney go bhfuil ardú ar an líon iarratas as an Tuaisceart agus as an mBreatain ó caitheadh an vóta ar imeacht na Breataine as an Aontas Eorpach i Meitheamh na bliana 2016.
Beagnach 200,000 iarratas a tháinig as an mBreatain i mbliana.
As Sasana, Albain agus as an mBreatain Bheag a tháinig 98,000 acu sin - ardú 22% ó 2017.
