Tá sé séanta ag an phoblachtánach Marian Price gurb í a scaoil marbh Jean McConville i 1972.
Déantar líomaint i gcoinne Marian Price i leabhar nua atá scríofa ag iriseoir sna Stáit Aontaithe.
D'admhaigh Dolours Price, a fuair bás in 2013 gur thiomáin sí Jean McConville chuig a bás agus go raibh beirt eile ina teannta nuair a maríodh í.
Sa leabhar nua le Patrick Radden Keefe, deirtear ann gur deirfiúr Dolours, Marian a scaoil marbh Jean McConville.
Chuir dlíadóir Marian Price ráiteas ar fáil ag séanadh na líomhna.
Fágadh deichniúr páistí gan tuismitheoir nuair a d'fhuadaigh agus mharaigh an tIRA Jean McConville i 1972.
Baintreach 38 bliain d'aois ab ea inti.
Bhí cónaí uirthi in arásáin Dubhaise in iarthar Bhéal Feirste.
Chuir an tIRA ina leith gur brathadóir d'Arm na Breataine a bhí inti.
Scríobh Patrick Radden Keefe an leabhar bunaithe ar thaighde a rinne Coláiste Bhostún chomh maith le foinse eile nach bhfuil ainmnithe.
Ni raibh sochraid Jean McConville ann go dtí beagnach 30 bliain i ndiaidh a dúnmharaithe nuair a thangthas ar a corp ar thrá i gCo Lú in 2003.
Ceistíodh Iar-Uachtarán Shinn Féin Gerry Adams faoi dhúnmharú Jean McConville ceithre bliana ó shin.
Mhaígh Gerry Adams go raibh tromlach na fianaise a cuireadh roimhe bunaithe ar agallaimh ó théipeanna Choláiste Bostún, agallaimh a deir seisean a rinneadh le daoine atá i gcoinne phróiseas na síochána.
Tá cáineadh déanta ag Marian Price ar Shinn Féin agus ar phróiséas na síochána.
Bhí dúnmharú Jean McConville i measc na gcinn ba chonspóidí le linn na dtrioblóidí.
Dúirt mac Jean McConville, Michael go mbeidh cruinniú éigeandála á lorg aige leis an PSNI faoin méid atá sa leabhar nua.
