Tá cúigear fear á gcur ar a dtriail i Moscó agus iad cúisithe i ndúnmharú Boris Nemtsov, polaiteoir mór le rá sa bhfreasúra sa Rúis.
Dúnmharaíodh Nemstov i bhFeabhra 2015 lámh leis an Kremlin.
Lámhachadh é go mall san oíche le linn dó a bheith ag trasnú droichid.
Omós á léiriú do Nemstov
Bhí an tUasal Nemstov ina Leas Phríomh-Aire ar an Rúis tráth, agus labhair sé amach go minic in aghaidh Uachtarán na Rúise, Vladimir Putin.
Dúirt sé go raibh eolas á bhailiú aige a chruthódh go raibh lámh ag Rialtas na Rúise sa chogadh san Úcráin.
Cuirtear i leith an chúigir atá ar a dtriail gur íocadh iad le Boris Nemtsov a dhúnmharú.
Séanann an cúigear aon bhaint a bheith acu leis an dúnmharú.
