Tá fear gafa ag póilíní sa Tuaisceart. Gabhadh an fear maidir le fiosrúchán atá ag bun ag na póilíní faoi dhúnmharú oibrithe Protastúnacha ag Muilte Ching i gCo Ard Mhacha dhá scór bliain ó shin. 59 bliain d'aois atá an té atá faoi choinneáil.
Maraíodh deichniúr oibrí Protastúnacha ag Muilte Chinng 40 bliain ó shin.
Dúirt póilíní ag coiste cróinéara faoin ionsaí ag deireadh mhí na Bealtaine gur aimsíodh fianaise nua dhlí-eolaíoch ar ghluaisteán a d'úsáid na fir ghunna le héalú ón sléacht.
Bhí na hoibrithe a maraíodh san ionsaí i mí Eanáir 1976 ag filleadh abhaile óna gcuid oibre nuair a stopadh an veain ar bhóthar tuaithe i gCo Ard Mhacha.
Ligeadh do na Caitlicigh a bhí sa veain éalú. Cuireadh an milleán as an ionsaí ar an IRA de bhrí gur tharla sé mar dhíoltas ar dhúnmharaithe dílseacha sa gceantar céanna.
