Tuigtear go bhfuil togra nua foclóireachta á bheartú ag Foras na Gaeilge.
Áirítear go gcosnóidh sé €12.5m ar fad.
Faoin togra nua bheadh sé i gceist 2 fhoclóir nua a chur le chéile, foclóir Gaeilge-Béarla agus foclóir Gaeilge- Gaeilge.
Tuigtear go bhfuil sé i gceist corpas na Gaeilge a mhéadú ó 30 milliún focal go dtí 250 milliún focal.
Togra 7 mbliana a bheadh ann ina n-earcófaí 35 duine.
Bheadh postanna lán-aimseartha agus páirt-aimseartha i gceist.
Bheadh súil go dtosnófaí ar an obair an bhliain seo chugainn agus go mbeadh an 2 fhoclóir nua ar fáil faoin mbliain 2023.
