Dúirt an Príomh-Bhreitheamh Susan Denham arís inniu gur cheart Cúirt ar leith do theaghlaigh a bhunú a thabharfadh níos mó príobháideachais do theaghlaigh a bhfuil trioblóidí acu.
Ba ag seoladh tuarascála, a d'fhoilsigh Coiste ar Dhlí Cúram Leanaí, a bhí an Breitheamh Susan Denham.
Cáintear sa tuarascáil cúirteanna plódaithe a mbíonn easpa príobháideachais iontu agus a chuireann brú mór ar na daoine a bhíonn os comhair na cúirte.
