Tá Rialtais na Breataine agus na Fraince tar éis beartais nua a fhógairt féachaint le dul i ngleic le hinimircigh mhídhleathacha ag taisteal thrí Thollán Mhuir nIocht.
Tá an 2 thír chun breis póiliní chur ar dualgas i gcalafort Calais sa Fhrainc.
Teastaíonn uathu freisin breith ar na daoine seo atá ag déanamh airgid as a bheith ag smugleáil inimirceach chuig an Ríocht Aontaithe.
Tá na mílte inimirceach ag campáil ag calafort Calais agus iad ag iarraidh an Ríocht Aontaithe a bhaint amach.
Tá na céadta míle inimirceach tar éis an tSiria, an Libia, chomh maith le tíortha eile sa Mheán Oirthear agus san Afraic a fhágáil ag iarraidh saol níos fearr a bhaint amach dóibh féin san Eoraip.
