Tá daoine gafa ag na húdaráis sa Tuinéis i dtaca leis an eachtra lámhaigh ar thrá ansin an tseachtain seo caite.
Maraíodh 38 duine ar fad i mbaile Sousse, bhí triúr Éireannach ina measc.
Bhí sé ráite roimhe seo ag na húdaráis sa Tuinéis gur chreid siad go raibh tacaíocht ag an ngunnadóir a rinne an sléacht Dé hAoine seo caite.
Bhí Airí Rialtais ón Bhreatain, ón Ghearmáin agus ón Fhrainc i láthair ag ionad an uafáis i Sousse inniu.
B'iad Lorna Carty, bean-chéile agus máthair sna caogaidí ó Cho.na Mí, agus lánúin sna caogaidí, Laurence agus Martina Hayes ó Cho.na hIarmhí an triúr ón tír seo a maraíodh.
Deir Ambasadóir na hÉireann, a bhfuil an Túinéis faoina chúram, go bhfuil socruithe á ndéanamh lena gcoirp a thabhairt abhaile.
Maraíodh 30 duine ón Bhreatain sa sléacht seo freisin.
Mac léinn, a raibh ceangal aige leis an Stát Ioslamach a rinne an t-ionsaí.
Mharaigh na póiliní eisean ina dhiaidh sin.
