Maraíodh ar a laghad 37 duine in ionsaí a rinneadh ar dhá ostáin turasóireachta cóngarach do bhaile Sousse ar chósta na Túinéise, tuairim is 150 ciliméadar ó dheas do phríomhchathair na tíre, Tunis.
Tá cáil ar chósta Meánmhara na Túinéise mar cheantar mór saoire.
Ag dhá óstán an Riu Imperial Marhaba agus an Soviva a tharla an t-ionsaí.
Tugadh le fios gur fear óg gléasta mar thurasóir é féin a thosaigh a scaoileadh urchair ar an trá le turasóirí as gunna Kalashnikov.
Dúirt Oifigeach sa Túinéis go bhfuil roinnt eachtranaigh i measc na marbh.
Tuigtear anois gur maraíodh bean as Éirinn sna hionsaithe.
Tuigtear go ndeachaigh fear gunna amháin isteach san Ostán timpeall ar a 12 agus scaoil sé faoi agus thairis.
B'éigean do phoilíní turasóirí agus daoine áitiúila a bhogadh go dtí ceantar sábháilte.
Dúirt an tAire Gnóthaí Eachtracha, Charlie Flanagan nach féidir a chur as an áireamh go bhféadfadh a thuilleadh daoine as an dtír seo bheith marbh .
