Líomhnaítear gur le Eric Eoin Marques suíomh darbh ainm 'Freedom Hosting', an suíomh is mó a bhfuil trácht ábhar pornagraíochta linbh ar domhan air. 

Tá sé de dhíth ar na húdaráis i Stáit Aontaithe Mheiriceá áit a bhfuil cúiseanna faoi fhógairt agus dáileadh ábhar pornagrafaíochta linbh curtha ina leith. 

Ta Marques faoi choinneáil ó gabhadh é i mí Lúnasa na bliana seo chaite. 

Chuala an chúirt eiseachadh i mí na Nollag nach raibh sé i gceist ag an Stiúrthóir Ionchúiseamh Poiblí cás a thógaint in aghaidh Marques ar na líomhaintí atá curtha ina leith. 

Chuala an chúirt mionshonraí litreach ón gcúisí go raibh sé ar a intinn ag Marques pléadáil ciontach do na líomhaintí dá dtógfaí an cás ina aghaidh sa tír seo.

Dúirt an Breitheamh John Edwards inniu gur dhiúltaigh sé cead athchomhraice a thabhairt do Marques dúshlán a ghlacadh gan é a chur ar a thriail anseo.

Chuir sé siar an cás go dtí an 14ú Deireadh Fómhair le deis a thabhairt do chomhair dlí Marques cinneadh na cúirte a chíoradh agus d'fhonn dáta don éisteacht eiseachadadh a shocrú.

Baineann na líomhaintí le hos cionn 100 íomhá ar "shuíomhanna anaithnid" a dúradh a bhí an-bhrúidiúil agus a thaispeáin radharcanna de pháistí réamh-chaithreacha á gcéasadh agus á n-éigniú.