Cloisfear gearrscéal a scríobh Colm Ó Ceallacháin bunaithe go scaoilte ar an téama a bhí i gcnuasacht ghearrscéalta an údair John McGahern 'Creatures of the Earth'.
Is í an t-aisteoir Caitríona Ní Mhurchú a inseoidh an scéal.
Foilsíodh scéalta le Colm Ó Ceallacháin in Comhar, Feasta, Southword agus gorse, agus tá duaiseanna Oireachtais buaite aige ar chuid díobh sin. Bhronn an Chomhairle Ealaíon dámhachtain air in 2013 i Litríocht na Gaeilge. Tá cónaí air i gCorcaigh agus oibríonn sé in earnáil na hóige. Is é I dtír mhilis na mbeo (Cois Life, 2017) a chéad chnuasach gearrscéalta.
