Labhair eagarthóirí agus páirtithe leasmhara le Tús Áite faoina bhfoilseachán siúd agus torthaí shuirbhé Thús Áite faoi staid reatha na meáin Ghaeilge atá ag teacht chun solais.
Is é Cathaoirleach bhord Chomhair, Pádhraic Ó Ciardha a labhair ar son Comhar, ar Thús Áite ar RTÉ Raidió na Gaeltachta.
Dúirt sé go bhfaigheann Comhar €80,000 ó Fhoras na Gaeilge agus go bhfuair siad €56,000 ó fhógraíocht anuraidh ach go bhfuil siad ag súil le €80,000 a thuilleamh i mbliana agus go bhfaigheann siad maoiniú beag eile ó COGG.
Dúirt Ó Ciardha go líonann an t-airgead a fhaigheann siad anois ó fhógraíocht an bhearna a fágadh nuair a laghdaíodh an maoiniú ó Fhoras na Gaeilge, cé nach sin a bhí i gceist.
Tá Ó Ciardha den tuairim go bhfuil thart ar 4,000 cóip den iris á léamh ag daoine ó shíntúisoirí go múinteoirí agus mic léinn a fhaigheann cóip digiteach.
De réir an tsuirbhé atá á reachtáil ag Tús Áite i gcomhar le Coimisiún na Meán, tá ráta sástachta de 59% ag an iris chúrsaí reatha agus litríochta.
Mheabhraigh Ó Ciardha don lucht éisteachta gur iris í seo atá ar an bhfód le breis agus ceithre scór bliain agus nach bhfuil ag rith i ndiaidh léitheoirí, ach gur maith ann iad. Admhaíonn sé gur 'niche' d'fhoilseachán é a fhoilsíonn ailt mheáite agus ar uairibh, chonspóideach.
Is féidir liom do thuairim a léiriú faoi na meáin Ghaeilge anseo
