![Kyla O'Hanlon, rang 3, Alex Purcell, naíonáin mhóra agus Bishop Ikechukuru Okoroji, rang 1 le Paddy Donnelly, údar. [pic: Julien Behal]](https://www.rte.ie/images/0021b9b0-800.jpg)
Páistí in Éirinn á spreagadh le 'Léamh do Bhealach Féin' ar Lá Domhanda na Leabhar 2025 agus deiseanna cur lena leabharlann baile le éarlaisí €1.50 a bhailiú ar scoil, ar líne nó sna siopaí leabhar atá páirteach sa bhfeachtas.
Tá údair ag moladh do dhaltaí i Scoil Mhuire Gan Smál, Inse Chór, 'Léamh do Bhealach Féin' do Lá Domhanda na Leabhar i mbliana a bheidh ar siúl Déardaoin an 6 Márta.
Agus iad ag seoladh cheiliúradh na bliana seo, thug ealaíontóirí Lá Domhanda na Leabhar, Paddy Donnelly, Áine Ní Ghlinn agus Andrew Whitson, cuireadh do pháistí 0-12 bhliain d'aois ar fud na hÉireann a roghnú cad é agus conas a léifidh siad, bíodh sé ina ghreannán, úrscéal grafach, nó closleabhar.
Tá Lá Domhanda na Leabhar Éire 2025 á urrú ag Éarlaisí Leabhair Náisiúnta agus á sheachadadh ag An Post, agus is féidir le páistí agus teaghlaigh éarlaisí €1.50/£1 Lá Domhanda na Leabhar a fháil trína scoileanna, ar líne, agus i ngach siopa leabhar rannpháirteach.
Is féidir na héarlaisí seo a fhuascailt in éiric ceann amháin de na 14 leabhar a bailíodh go speisialta idir an 13 Feabhra agus an 23 Márta.
Tacaíonn Foras na Gaeilge leabhair agus acmhainní Gaeilge agus cuireann Vision Ireland cóipeanna inrochtana ar fáil.
Féach raon iomlán leabhair €1.50/£1 Lá Domhanda na Leabhar 2025 ag https://www.worldbookday.com/books-and-tokens/books/
We need your consent to load this rte-player contentWe use rte-player to manage extra content that can set cookies on your device and collect data about your activity. Please review their details and accept them to load the content.Manage Preferences
