Ar Lá 'le Bríde, an chéad lá de mhí Feabhra (2024) in Ardeaglais Naomh Bríd i gCill Dara chas Altan le Ceolfhoireann Ceolchoirme RTÉ a bhí faoi stiúir David Brophy mar chuid de chomóradh 1500 bliain ó bhásaigh Naomh Bríd.
Beidh an choirmcheol speisialta seo le craoladh ar RTÉ Raidió na Gaeltachta ar an Domhnach beag seo, 5 Bealtaine ag 7.30 go dtína 9 a chlog istoíche. Ar cuid des na foinn a bheidh le cloistéail tá Gabhaim Molta Bríde, Molly na gCuach Ní Chuilleanáin, Gleanntáin Glas Ghaoth Dobhair agus Dónal agus Mórag.
Is iad Glór an Churraigh, eagraíocht a chuireann an Ghaeilge chun cinn i gCill Dara agus Glór na nGael a d'eagraigh an coirm cheoil speisialta seo, san ardeaglais meánaoiseach álainn i mBaile Chill Dara atá os cionn 800 bliain d'aois, agus atá san áit ar chur Naomh Bríd fúithi os cionn 1,500 bliain ó shin.
B'í Leas Chathaoirleach Ghlór an Churraigh, Aingeal Seoighe a chuir fáilte roimh gach duine ar an oíche.
Tá taithí ag an gCeolfhoireann Choirme comhcheol a dhéanamh le réalta móra cheoi na hÉireann ach go háirithe ar nós Clannad, Niamh Regan agus Davit Kitt agus Tolu Makay.
Éist leis an gcoirmcheol seo ar RTÉ Raidió na Gaeltachta, Dé Domhnaigh 5 Bealtaine ag 7.30i.n.
Listen to this special concert on RTÉ Raidió na Gaeltachta, Sunday, 5 May at 7.30pm
