D'fhógair Amharclann na Mainistreach go bhfuil Bríd Ní Neachtain, Caitríona Ní Mhurchú agus Marion O’Dwyer i measc na bpríomhaisteoirí in Na Peirsigh / Persians, tar éis gur chas na haisteoirí go léir ar a chéile den chéad uair le tús a chur le cleachtaí.
Léireofar an dráma ó Dé Céadaoin, an 6 Márta go Dé Sathairn, an 6 Aibreán 2024, agus is leagan nua Gaeilge é seo de thraigéide Ghréagach Aeschylus a d’aistrigh an scríbhneoir agus an file cáiliúil Nuala Ní Dhomhnaill agus atá á stiúradh ag Conor Hanratty agus tá sé á léiriú ag Amharclann na Mainistreach. I measc na n-aisteoirí, tá:
Karen Ardiff: I measc na ndrámaí inar ghlac Karen páirt le déanaí ag Amharclann na Mainistreach, tá Women, The Unmanageable Sisters agus Dublin will Show You How. Rinne sí an aisteoireacht is déanaí in Quake le haghaidh Once Off Productions ag Féile Amharclannaíochta Bhaile Átha Cliath 2023. Ghlac sí páirt mar Arthur Griffith i léiriúchán mór le rá Fishamble de The Treaty le Colin Murphy agus bhí príomhpháirteanna aici d’Amharclanna Rough Magic, an Gheata agus Gaiety, chomh maith le compántais amharclannaíochta ar fud na hÉireann agus an RA. Ainmníodh í do roinnt Gradaim Amharclannaíochta de chuid an Irish Times le linn a gairme beatha. I measc a saothair scáileáin le déanaí, tá Bodkin, Finding Joy, Acceptable Risk agus an scannán a ainmníodh do ghradam Oscar, Brooklyn, a rinne John Crowley a stiúradh.
Brendan Conroy: Is ó Thuaim do Brendan agus rinne sé aisteoireacht i ndráma i dtosach in Amharclann na Péacóige in 1978. Chuaigh sé ar turas chun na Rúise le hAmharclann na Mainistreach ansin agus rinne sé aisteoireacht ar Thadhg in The Field, go New Haven agus go dtí an Eoraip agus aisteoireacht á déanamh aige ar Jimmy Jack in Translations, go sé chathair sna Stáit Aontaithe agus aisteoireacht á déanamh aige ar Philly Cullen in Playboy of the Western World agus an Fear Dóite in Cúirt an Mheán Oíche timpeall Ghaeltachtaí na hÉireann. Rinne sé aisteoireacht ar Casimir in Uaisle (Aristocrats) ag an Taibhdhearc agus ar an Dr Thomas Stockmann in Namhaid don Phobal, a chuir Amharclann Moonfish i láthair. Bhí sé bainteach ar feadh i bhfad le Compántas Amharclannaíochta Red Kettle i bPort Láirge, agus rinne sé aisteoireacht le Druid, Bottom Dog agus Compántas Amharclannaíochta Island i Luimneach. Rinne sé aisteoireacht dhá uair ar The Bird in The Field, agus ba iad Mick Lally agus Brian Dennehy 'a Thairbh’. Rinne sé a sheó aonair, The Aran Islands, a chur i láthair os comhair lán an tí ar feadh deich seachtaine ag Amharclann The Irish Repertory i Nua-Eabhrac chomh maith le hInis Mór, Inis Meáin agus Inis Oírr. Beidh páirt á glacadh ag Brendan go luath in That They May Face the Rising Sun. Bhuaigh sé gradam IFTA don Aisteoir Tacaíochta is Fearr i ngeall ar a léiriú in Kings, a rinne Tom Collins a stiúradh.
Timmy Creed: Aisteoir agus amharclannóir ó Chorcaigh é Timmy Creed. Rinneadh a chéad dráma, SPLICED, faoina shaol mar fhear CLG, a fhoilsiú agus a chur i láthair fud fad na hÉireann, i gcúirteanna iománaíochta agus i gcumainn CLG, chuaigh sé ar turas go scoileanna agus cuireadh i láthair é ag Amharclann Traverse d’Fhéile Imeallach Dhún Éideann 2019. I measc a chreidiúintí amharclannaíochta le déanaí, tá: Drainage Scheme (Amharclann na Mainistreach agus Amharclann Noke), SPLICED (Páirc an Chrócaigh agus Féile First Fortnight), A Whistle in the Dark (Amharclann na Mainistreach), Staging the Treaty (ANU), Dubliners (Corn Exchange). I measc a chreidiúintí scannáin/teilifíse le déanaí, tá Aisha (Sky), Gateway (Pic Du Jer), Séasúr 6 de Vikings (History), Maze (Mammoth Films), Séasúr 2 de Klondike (TG4), Fir Bolg (TG4). Tá sé ag obair faoi láthair mar ealaíontóir cónaithe le Cumann Iománaíochta Chaoimhín i mBaile Átha Cliath 8 le himeacht beo a chruthú faoi Stair an Chamáin le himeacht na mblianta.
Caitríona Ní Mhurchú: I measc na ndrámaí ina raibh páirt ag Caitríona ag Amharclann na Mainistreach, bhí Joyce’s Women, 16 Possible Glimpses [ainmníodh í don Aisteoir Tacaíochta is Fearr ag Gradaim IT], Beauty in a Broken Place, Ariel, Caoineadh Airt Ui Laoghaire, agus tríológ drámaí aonghnímh Conall Morrison, Riders to the Sea / Purgatory / Dandy Dolls ag Amharclann na Péacóige. Bhí príomhróil aici d’Amharclann an Gheata, Gaiety, an Project agus do go leor compántais amharclannaíochta eile ar fud na hÉireann. Bhí páirt le déanaí aici mar Maria Callas in Masterclass do Once Off Productions agus mar Mhicheál Mac Liammóir do Chompántas Amharclannaíochta Fibín/an Taibhdhearc. Scríobh sí agus ghlac sí páirt freisin i roinnt seónna dá compántas féin, Little Wolf Productions. I measc a creidiúintí scannáin agus teilifíse, tá Aisha (Frank Berry), Fair City (RTÉ), The Bailout (RTÉ), Ros na Rún (TG4), Scúp (BBCNI), Acceptable Risk (RTÉ) agus An Crisis (TG4).
Naoise Mac Cathmhaoil: Is as réigiúin Ghaeltachta Dhún na nGall do Naoise agus mhair sé i gcultúr agus i dtraidisiún saibhir Gaelach ó bhí sé an-óg agus aithnítear inniu é mar amhránaí cumasach ar an Seán-Nós agus mar Ghaeilgeoir paiseanta. Thosaigh Naoise ag amhránaíocht as Gaeilge ag Scoil Náisiúnta Mhín Tine Dé in Ard an Rátha sular fhreastail sé ar cheachtanna Sean-Nóis faoi theagasc Dhoiminic Mhic Giolla Bhríde agus ar imeachtaí Sean-Nóis, cosúil le Féile Jimmí Mhary Bhillí ar Thoraigh. Chan agus chuaigh Naoise san iomaíocht ar leibhéil náisiúnta agus idirnáisiúnta, agus bhuaigh sé go leor duaiseanna ag Oireachtas na Samhna agus ag Fleadh Ceoil na hÉireann. Céimí Ollscoil na Banríona, Béal Feirste é agus tá Naoise ag obair le bliain anuas ansin mar chuid de thionscadal Logainmneacha Thuaisceart Éireann agus díriú ar leith ar chomharthaí sráide dátheangacha a sholáthar laistigh de chathair Bhéal Feirste.
Deirdre Molloy: Obair roimhe seo ag Amharclann na Mainistreach: Unmanageable Sisters, Dear Ireland, Sive, The Plough and the Stars, The House, The Muesli Belt, Tarry Flynn, Sucking Dublin agus Sheep’s Milk On The Boil. Bhí roinnt mhaith príomhról ag Deirdre chomh maith ar fud na hÉireann agus an RA. I measc a hoibre scannáin agus teilifíse, tá KIN, Rialto, Adam and Paul, Intermission, Happy Ever Afters, Soft Sand Blue Sea, Scúp, Radio Waves agus After ’68. Rinne Deirdre stiúradh ar go leor seónna imeallacha agus amharclannaíochta óige agus is iarbhall d’Amharclann Óige Bhaile Átha Cliath í.
Séamus Moran: I measc a chreidiúintí amharclannaíochta le déanaí, tá: In The Middle of the Fields, le Mary Lavin, stiúrthóir – Joan Sheehy; a dhráma féin, Dolly and Mick, stiúrthóir – Patrick Byrnes. Eile: St. Oscar agus The Cure at Troy (Field Day) le Séamus Heaney; Lady Windermere's Fan (Rough Magic); The Field (Amharclann Gaiety); Fontamara, a chuir Vincent Woods in oiriúint; The Undertaking, Féile Amharclannaíochta 1999 agus Stadsschouwburg Amsterdam; Burn This (Gúna Nua); Stolen Child (Calypso); Sir Toby Belch in Twelfth Night (CSI). Rinne sé dhá thuras timpeall na tíre dá dhráma féin aonair, Have A Heart, in 2015 agus 2017 agus rinne sé 26 léiriú ag Féile Imeallach Dhún Éideann. Scannán/Teilifís: Fair City, In the Name of the Father, Ros na Rún, Corp & Anam II, Scúp, Tudors, Intruder, agus Vikings Valhalla. Rinne sé dhá dhráma le Taibhdhearc na Gaillimhe – Idir an Dá Shúil agus Bás Taismeach Ainríalaí.
Bríd Ní Neachtain: Ba bhall de Chompántas Amharclannaíochta Amharclann na Mainistreach í Bríd go dtí 1999 agus bhí sí ar stáitse go náisiúnta agus go hidirnáisiúnta don chompántas sin agus do gach compántas amharclannaíochta mór eile in Éirinn. Bhí páirt ag Bríd in HAPPY DAYS (Laethanta Sona) le Samuel Beckett d’Amharclann na Mainistreach agus do Company SJ mar chuid d’Fhéile Amharclannaíochta Bhaile Átha Cliath agus d’Fhéile Ealaíon Idirnáisiúnta na Gaillimhe ar bronnadh Gradam Amharclannaíochta an Irish Times don Aistreoir is Fearr uirthi dó in 2022. Bhí páirt aici sa phríomhscannán Róise & Frank mar Róise agus bhuaigh sí gradam IFTA don Aisteoir is Fearr i bPríomhról dó in 2023. Rinne sí aisteoireacht do pháirt Mrs O’Riordan in The Banshees of Inisherin le Martin McDonagh, a ainmníodh do ghradam Oscar, in 2022.
Marion O’Dwyer: Áirítear leis an obair a rinne Marion O’Dwyer le déanaí le hAmharclann na Mainistreach The Quare Fellow, Home, Dear Ireland, Drama at Inish, The Unmanageable Sisters, agus She Stoops to Conquer.
Ar an obair amharclannaíochta eile a rinne sí, tá an chéad léiriú domhanda ar Wonderful Tennessee le Brian Friel (Amharclann na Mainistreach agus Broadway); Dancing at Lughnasa (Amharclann na Mainistreach, Áras Ceoldrámaíochta Sydney, Amharclann Gaiety); an chéad léiriú domhanda ar Portia Coughlan, The Plough and the Stars agus The Rivals (Amharclann na Mainistreach); The Importance of Being Earnest (Amharclann an Gheata agus Féile Spoleto, Charleston); Pride and Prejudice (Féile Hong Cong); Molly Sweeney (Bristol Old Vic); Shadow of a Gunman (Amharclann Tricycle); Sive (Pálás Watford agus Amharclann Tricycle); Juno and the Paycock (Amharclann Gaiety agus Féile Chicago); The Gap Year (Amharclann Lyric, Béal Feirste); A Day in May (Amharclann Pavilion); The Red Shoes (Amharclann an Gheata); The Secrets of Primrose Square (Pat Moylan Productions); The Beauty Queen of Leenane (Compántas Amharclannaíochta Four Rivers); agus The Mai (Amharclann Decadent).
Ar a hobair teilifíse agus scannáin, tá God’s Creatures (66 Pictures/BBC Films); The Dry (Element Pictures/RTÉ); Obituary (Elvira/RTÉ); Miss Scarlet and the Duke (Element 8); Doctors (BBC); The Silence of Mercy (Luma Features); Perfect Day (Channel 5); Agnes Browne (Hell’s Kitchen); agus Poirot (ITV). I measc na hoibre a rinne sí le déanaí ar an raidió, tá Fruit (Lemon Soap Productions).
Insítear in Na Peirsigh / Persians scéal faoi bhua aisteach a bhí ag an nGréig, a insíonn an dream a chaill, aisteach go leor. Dráma é ina leagtar amach an oiread sin a dhéanfaidh agus a rinne an amharclannaíocht agus a chaithfidh an amharclannaíocht a dhéanamh agus spreagann sé an lucht féachana peirspictíocht eile a shamhlú, déanann sé an méid a bhfuil súil againn leis a threascairt agus léiríonn sé onóir ar dhaonnacht an namhad. Deis an-chorraitheach a bheidh ann chun lán na súl a bhaint de leagan saibhir nua den dráma is sine san Eoraip a bhfuiltear eolach air atá á chur ar stáitse go fóill agus chun teacht ar bhealach lena athinsint a thuiscint sa teanga labhartha is sine san Eoraip, an Ghaeilge, le fotheidil Bhéarla.
Dúirt Stiúrthóir Na Peirsigh / Persians, Conor Hanratty, agus é ag trácht ar an dráma: "Seod aisteach é Persians a tháinig slán le himeacht ama - gníomh amharclainne ionbhá. Tá sé ar cheann de na drámaí is sine ar domhan agus spreagann sé sinn, mar sin féin, eispéireas namhad a shamhlú, agus athmhacnamh a dhéanamh ar ár bpeirspictíocht féin. Is féidir linn dul i ngleic lenár mothúcháin féin agus iad a aithint tríd an léiriú seo. Tá traigéide Ghréagach ar cheann de na foirmeacha ealaíne is dinimiciúla agus is polaitiúla dá bhfuil ann go fóill, agus is eispéireas comhroinnte cathartha é. Tá onóir agus an-bhís orm an saothar seo a chur ar stáitse ag Amharclann na Mainistreach."
Tá Na Peirsigh / Persians curtha ar an gclár ag Amharclann na Mainistreach mar chuid de Thionscadal Gregory, saothar nua oibre le ceiliúradh a dhéanamh ar 120 bliain ó chomhbhunaigh Lady Gregory agus WB Yeats amharclann náisiúnta na hÉireann. Déantar ceiliúradh ann ar leagáid cheannródaíoch Lady Gregory mar cheannaire ealaíonta, mar léitheoirí cróga agus mar thacadóir le glúin d’amharclannóirí.
Chun teacht ar eolas breise, tabhair cuairt ar abbeytheatre.ie.
