Labhair Máire Ní Mhurchú, Cathaoirleach ar Chónaidhm Féinfhreastal na hÉireann ar an gclár Adhmhaidin faoin mbaol atá ann go gcaillfear cuid mhór airgead ón tionscal turasóireachta i mbliana toisc easpa lóistín.
Dúirt Príomhfheidhmeannach Fáilte Ireland, Paul Kelly ag coiste an Oireachtais go raibh an baol ann go gcaillfear suas go 1.1 Billiúin euro sa tionscal turasóireachta i mbliana toisc go bhfuil lóistín curtha ar fáil do dhaoine atá ag lorg dídean sa tír seo.
Dúirt Máire go bhfuil cuid mhaith de na leapacha a theastaíonn ó thurasóirí anois in úsáid in óstáin agus roinnt in lóistín féinfhreastal freisin ó Chiarraí go Dún na nGall. Luaigh Máire go bhfuil tréimhse ghairid ann dóibh siúd atá ag plé le turasóireacht le hairgead a dhéanamh agus mura bhfuil na turasóirí ag teacht chucu nach bhfuil an tréimhse sin le fáil.
Tá tacaíocht á lorg ag gnóanna beaga ón rialtas le cabhrú leo dul i ngleic leis na dúshláin seo a bhaineann leis an tionscal turasóireachta.
Éist le Adhmhaidin ar RTÉ Raidió na Gaeltachta ón Luan go hAoine idir 8 agus 9.
