Is iad Mairéad Ní Mhaonaigh agus a hiníon, Nia Byrne atá i gcuideachta Liam Uí Mhaonlaí anocht ar Chuan an Cheoil ar RTÉ Raidió na Gaeltachta.
Rugadh agus tógadh Mairéad Ní Mhaonaigh i gceartlár Ghaeltacht Ghaoth Dobhair, i nDún na nGall. D'fhoghlaim sí a cuid amhrán agus ceoil óna hathair Proinsias Ó Maonaigh agus a máthair Cití Ní Ghallchóir.Is fidléir agus amhránaí den scoth í i stíl a ceantar dúchais, agus aithne uirthi go náisiúnta agus go hidirnáisiúnta as feabhas a cuid ceoil.
Bhunaigh Mairéad an banna ceoil traidisiúnta Altan lena fear céile Frankie Kennedy, nach maireann, siar sna hochtóidí, agus tá an domhan siúlta aici leis an sárghrúpa ceoil sin ó shin.Is fidléir agus amhránaí den scoth í a hiníon Nia freisin, agus tá sí ina cuideachta inniu ar a gclár seo.
Éist le Cuan an Cheoil ar RTÉ Raidió na Gaeltachta gach Déardaoin ar a 7.
