Tá an eispéaras Gaeltachta fíorúil, Gaeltacht X, agus RTÉ 2FM ag obair le chéile arís le blaiseadh an tsamhraidh a thabhairt do dhéagóirí
Tá riméad ar Gaeltacht X agus RTÉ 2FM a fhógairt go mbeidh Comórtas Amhrán Tí Gaeltacht X ar ais arís i mbliana, agus go leanfaidh traidisiúin an gné lárnach na gcolaistí samhraidh ar aghaidh, cé go bhfuil na coláistí samhraidh dúnta don samhradh, ar chuntais Gaeltacht X agus beo ar an aer ar 2FM Breakfast with Doireann, Donncha and Carl - le láithreoir agus scríbhneoir Ola Majekodunmi, a bheidh mar chomhfhreagraí Gaeltacht X leis an stáisiúin.
Bhíodh comórtas na n-amhrán tí i gcónaí mar bhuaicphointe dóibh siúd a chaith a gcuid samhraidh i gceantair Ghaeltachta ó Chorca Dhuibhne, go Leitir Meallain go Rann na Feirste.
Tá GX agus 2FM ag lorg leaganacha Gaeilge d'amhráin chlúiteacha nó amhráin nuachumtha ó dhaoine óga, ina n-aonar nó tríd "Tigh" a chur le chéile agus iad a thaifead thar Zoom nó módh taifeadta eile a chloíann leis an scairiúnt sóisialta.
Ní hamháin go mbeidh duais seachtainiúil ann de €300, ach beidh deis ag ollbhuaiteoir a n-amhrán a bheith seinnte ar an staisiúin náisiúnta RTÉ 2FM, chomh maith le duais airgid de €1000.
Gach seachtain roghnófar dhá amhrán. Beidh Ola ar an gclár maidin Chéadaoin leis na hamhráin a sheinnm do Doireann, Donncha agus Carl, agus ansin osclófar pobalbhreith poiblí ar chuntas Instagram Gaeltacht X (@gaeltachtx). Beidh 24 uair a chloig ag na héisteoirí agus na leantóirí vóta a chaitheamh ar son an amhráin is fearr leo sula fhógrófar an buaiteoir ar an gclár maidin Dhéardaoin. Beidh Raidió Rí-Rá, an cairt stáisiúin do dhaoine óga, ag tacú leis an togra chomh maith tríd cuidiú leis na gearrliostaí a roghnú.
Is féidir amhráin a sheoladh isteach ón lá inniu go dtí Dé hAoine, 20 Lúnasa. Roghnófar amhráin ar bhonn seachtainiúil - mar sin is luaithe a sheolfar isteach d’iarratas, is mó seans go roghnófar é. Rachaidh an chéad bhabhta d’amhráin amach ar an aer Dé Céadaoin, 04 Lúnasa. Seol iarratais go gx@cnag.ie. Le tuilleadh eolais a fháil agus leis na coinníollacha a léamh, téigh go cnag.ie/epgx.
Nóta don eagathóir: Is ardán ar líne é Gaeltacht X, éascaithe ag Conradh na Gaeilge le blaiseadh den eispéaras choláiste samhraidh a thabhairt do dhaoine óga sa bhaile, le láithreacht agus lárnú a dhéanamh ar an teanga agus an domhan mór athruithe thar timpeall orainn. Cuireann Gaeltacht X ábhair, craic agus pobal ar fáil do dhéagóirí na tíre. Tá Gaeltacht X á n-eagrú le tacaíocht ó Fhoras na Gaeilge agus ón Roinn Turasóireachta, Cultúir, Ealaíon, Gaeltachta, Spóirt agus na Meán.
Rialacha
Taifead - Déan taifead ar leagan Gaeilge d'amhrán nó úrnua (45 soicind) - mar thigh (grúpa) nó i d'aonar. Tá fáilte roimh fhiseán nó glórtheachtaireacht, ach déan cinnte go mbeidh caighdeán ard ar an bhfuaim mar seans go mbeidh sé á seinnm ar an raidió!
Seol - Seol chugainn ag gx@cnag.ie é, chomh maith le d'ainm/ainmneacha gach duine sa ghrúpa, aois/aoiseanna agus contae gurb as duit/daoibh.
Éist - Roghnóidh Moltóirí Gaeltacht X dhá amhrán in aghaidh na seachtaine le bheith san iomaíocht an tseachtain sin. Seinnfear an dhá amhrán ar RTÉ 2FM maidin Chéadaoin.
Vóta - Beidh éisteoirí an chláir raidió agus leantóirí Gaeltacht X in ann vóta a chaitheamh ar phobalbhreith ar chuntas Gaeltacht X ar Instagram ar feadh 24 uair a' chloig. Déanfar buaiteoir an phobalbhreith a fhógairt maidin Dhéardaoin ar 2FM Breakfast with Doireann, Donncha and Carl. Bronnfar €300 ar bhuaiteoir na seachtaine agus rachaidh siad ar aghaidh ag an babhta deiridh chomh maith.
Craobh - Rachaidh an 4 buaiteoir in aghaidh a chéile sa seachtain deireanach mar chraobh. Seinnfear gach amhrán ar na scéalta maidin Chéadaoin agus arís beidh 24 uair a chloig ag na leantóirí/éisteoirí vóta a chaitheamh ar an gceann is fearr leo.
Coinníollacha
- Táimid ag glacadh le hiarratais ón Aoine 30 Iúil go dtí Aoine 20 Lúnasa - ach mar go mbeidh amhrán nua á roghnú go seachtainiúil, is luaithe is fearr lena sheoladh isteach!
- Caithfear gur aistriúchán nua atá ann (nach bhfuil le cloisteáil áit ar bith eile) nó amhrán nuachumtha.
- Roghnófar na hamhráin leis an méid is mó spraoi, spiorad, cruthaitheacht ó thaobh úsaid na Gaeilge de agus a dtaitníonn leis na moltóirí.
