Gach seachtain, tugann Muireann Nic Amhlaoibh réamhbhlaiseadh dá clár ceoil, Malairt Poirt le Muireann ar RTÉ Raidió na Gaeltachta. An tseachtain seo, tá Muireann ag díriú ar an ngiotár ó thíortha éagsúla.

Ar Malairt Poirt na seachtaine seo beidh ceol giotáir ó thíortha difriúla á sheimint agam.

Seo an seinnteoir giotár Gitkin.  5 Star Motel is ainm don albam nua aige agus tá scéal ana shuimiúil fén albam seo. Is as Texas do Ghitkin, ba dhíoltóir giotar é agus chaith sé na blianta ag taisteal ar fuaid Meirceá ag díol giotáir góchumtha nó "counterfeit" Gibson".

Le linn na turais sin do bhuail sé le imircigh nua go Mheirceá ó thíortha ar nós an Aetóip, Meicsiceo, an Indinéis. Chuaigh an ceol giotáir a sheineadar go mór i bhfeidhm air agus is as san a tháínig an ceol a chum sé don albam seo.

Seo an ceoltóir Samba Touré ó Mhali na hAfraice leis an amhrán Albala. Tugann sé gormacha a fhásaigh ar an ceol a sheinnean sé ar an giotár leictreach. Do mhúin an ceoltóir mór le rá Ali Farka Touré é agus canann sé amhráin poiliticiúla – thaiteann an ceann seo go mór liom mar go bhfuil sé i dtrí theanga na tíre Songhai, Peul and Bambara agus san amhrán seo tá sé ag impí ar mhuintir Mhali teacht le chéile agus canadh agus rince i bhfocair a chéile. Seo an t-amhrán Be Ki Don.

Beidh cúpla rian ón nGréig agam, tá ana shuim go deo agam in gceol na Gréige ó thugas cuairt ceolmhar ann anuraidh agus is fada liom go mbeidh deis agam filleadh arís. Seo an t-amhránaí Ioulia Karapataki i dteannta na ceoltóirí Dimitris Lappas agus Socrates Malamas.

Anuas ar sin beidh ceol ó Éirnn, Albain, Ceanada, An Iorua, agus ceol claiseacach agus nua-chumtha. Tá súil agam gur féidir libh a bheith liom le haghaidh aistear ceoil. Malairt Poirt le Muireann RTÉ Raidió na Gaeltachta, Oíche Shathairn óna 7-9pm.