Tháinig Iarla Ó Lionáird chomh fada le Baile na nGall, i nGaeltacht Chorca Dhuibhne le labhairt le Helen Ní Shé ar An Saol Ó Dheas ar RTÉ Raidió na Gaeltachta faoina shaol roinnte idir Princeton agus Éire, faoi fhilíocht agus faoi bhás a dheirféar, Bríd.
Deir Ó Lionáird gur 'pribhléid ana-mhór agus obair ana-shuimiúil' atá ar siúl aige in Ollscoil Princeton, i Meiriceá. Rinne sé cur síos ar an Ollscoil mar áit a bhfuil pribhléid speisialta aici, a bhfuil 'maoin acu nach bhfuil acu in áiteanna eile' agus a bhfuil bród faoi leith ann do theangacha, don cheol agus don stair. Deir sé gurb é sin 'coróin mhór' acu, cé go bhfuil cúrsaí eile acu.
We need your consent to load this YouTube contentWe use YouTube to manage extra content that can set cookies on your device and collect data about your activity. Please review their details and accept them to load the content.Manage Preferences
Labhair Iarla faoin albam nua atá le teacht ó The Gloaming, áit a n-aithníonn Helen go raibh tionchar an-mhór ag Ó Lionáird ar an albam áirithe seo. Rinne sé cur síos ar thionchar Liam Uí Mhuirthile, nach maireann, agus ar an iarracht a rinne sé ceol a chur le dán dá chuid in omós dá chineáltacht agus dá chairdeas.
D'admhaigh Iarla go raibh 'bliain saghas ait' aige mar go bhfuair a dheirfiúr, Bríd bás anuraidh agus deir sé gur ghéill sé don bhás 'theacht isteach san albam agus gur chabhraigh sé leis dul i ngleic leis an mbrón.
Craoltar An Saol Ó Dheas ar RTÉ Raidió na Gaeltachta 12.08-1.00 ón Luan go hAoine
